DEN HAAG – Pa e relashonnan entre e islanan outónomo i Hulanda, por yama e debate di djárason históriko. Aruba, Kòrsou i Sint-Maarten den e krísis di corona lo risibí yudansa solamente si semper nan aseptá tur kondishon hulandes i ehekutá esakinan lihé.
Segun sekretario di estado Raymond Knops (Relashonnan den Reino) den e último dies añanan a resultá ku e islanan outónomo no ta kumpli ku nan promesanan na Hulanda. E islanan mester di sentenar di mion euro pero nan por fia nan solamente si nan akseptá e eksigensianan hulandes kompletamente.
Tweede Kamer ta sostené e gabinete pa ehekutá deseo di hopi tempu na e islanan den e krísis di corona. “E kondishonnan lo subi den kurso di tempu. Ta entregá kada siguiente parti di e suma total a base di e resultadonan”, segun Knops.
E islanan ke ‘mas diálogo’’, pero gabinete hulandes no mas, ta e mensahe di djárason. No ta ‘business as usual’ mas, Knops ta bisa.
Segun Sint-Maarten ta ‘dikta’ i entretantu Kòrsou severamente ta kritiká e ‘posishon di poder’. “Hulanda ta abuzá di esaki pa fòrsa kos’, segun e minister kurasoleño Quincy Girigorie (Hustisia). Knops ta bisa Tweede Kamer: “Bo por tin e outonomia ei si a base di Statüt, pero si den práktika bo ta kompletamente dependiente di otro hende, kiko bo outonomia bal ainda?”
Tweede Kamer kompleto ta sostené Knops den su vishon ku: ‘muchu hende a bira riku danki na e pobresa’ i e mandatarionan no a mustra ku nan ta enérgiko.
Gabinete hulandes ta hasi uso di diferente eksperto pa sali for di e krísis di corona atrobe. “Tambe si ta trata di kon nos por yuda e paisnan, ei tambe nos ta usa e mihó hendenan.”
DEN HAAG – Pa e relashonnan entre e islanan outónomo i Hulanda, por yama e debate di djárason históriko….
WILLEMSTAD – Laba man, tene distansha i digitalisá: e palabranan klave pa enseñansa den tempu di corona na Kòrsou….
ORANJESTAD – Djaluna skolnan na Aruba por a habri atrobe despues di dos luna. Pero hopi di nan a…
DEN HAAG – Ombudsman Nashonal entrante otro siman lo bai trata keho na papiamentu tambe, asina ombudsman Reinier van…