(ADVERTORIAL)
ORANJESTAD – Pa Clientenan Comercial y Personal, Caribbean Mercantile Bank lo extende su moratorio* riba pagonan mensual di prestamo comercial, personal, hipoteca y tarheta di credito pa e lunanan di juni, juli y augustus 2020.
E pagonan incluso interes lo keda suspendi pa e tres lunanan menciona. E pagonan aki mester wordo cumpli na final di e termino di e prestamo. E prestamo y/of hipoteca lo wordo extendi cu e cantidad di luna (den e caso aki 3 luna) cu e prestamo a keda suspendi.
Caribbean Mercantile Bank lo no cobra interes y tampoco gasto adicional riba e pagonan cu a keda suspendi pa prestamo y hipoteca.
Clientenan cu a haci uso di e moratorio di 3 luna pa maart, april y mei 2020 cu a pasa, pues awor lo paga e montantenan suspendi den 6 (seis) pago igual (pa e pagonan suspendi di: maart april, mei, juni, juli y augustus 2020) un luna despues di e fecha cu e prestamo of hipoteca actual vence.
MENSAHE IMPORTANTE PA ESNAN CU NO KIER HACI USO DI MORATORIO:
– Por fabor bishita e siguiente pagina riba nos website cmbnv.com: Moratorium Opt-Out.
– Yena den e formulario online pa asina nos por cancela bo moratorio.
– Mester haci esaki prome cu 12 di juni, 2020.
Pa mas informacion, por fabor Live Chat cu nos via eAmigo Online Assistance na www.cmbnv.com, of tuma contacto cu nos via 522-3000. Tambe por bishita nos paginanan di Facebook, Instagram of Twitter pa cualkier update.
Den e temponan dificil aki tambe nos kier a yama bo danki pa bo confiansa den nos banco.
HUNTO NOS LO LANTA BEK.
Prestamonan personal cu tin mas cu 90 dia di pago atrasa, NO ta bini na remarke.
(ADVERTORIAL)
ORANJESTAD – Siman pasa Oficina di Turismo di Aruba (A.T.A.) a lansa e “Aruba Health & Happiness Code» (HH Code) den colaboracion cu Departamento di Salud Publico (D.V.G.), Ministerio di Salubridad, y socionan clave den e industria turistico. Un total di 297 compania cu a yena e registracion y checklist debidamente durante e prome siman ya caba a logra completa e prome fase di e proceso di Aruba Health & Happiness Code (HH Code) exitosamente y consecuentemente por ricibi nan seyo colorido di HH Code (seyo di pre-check).
ORANJESTAD – Segun un encuesta di noticiacla.com riba e impacto economico di COVID-19 riba nos isla, mayoria trahado y doño di trahado ta admiti cu pa nan sobrevivi, mester a busca ayudo financiero di gobierno pa por a sobrevivi. Esaki ta cuadra cu e declaracion di gobierno recientemente cu a bisa cu nan a yuda mas di 36 mil persona den sector priva financieramente. Pero tambe interesante tabata cu un grupo grandi di tanto trahado ta bisa cu nan tabatin dificultad pa keda cla pa haya e ayudo financiero aki. Gran parti di esnan cu a participa (176, osea 75,21%) tabata di sector priva, sea trahado of doño di negoshi. Un grupo mas chikito (58 osea 24.79%) tabata sector publico.
ORANJESTAD – Recien Aruba Food & Beverage Association (AF&BA) a dirigi un encuesta bou restaurantnan tocante e crisis di CONVID 19 y con restaurantnan ta experiencia esaki. Un total di 36 restaurant (12%) a responde riba e encuesta.
ORANJESTAD – No spera pa wak un sin fin di rabo di avion para na aeropuerto di Aruba asina e frontera di Aruba habri proximamente. Y si antes p.e. den un fin di siman por a mira un sin fin manera e potret acompañante, esaki lo no ta e caso. Por lo pronto no, por lo menos. Ora cu e frontera habri ‘porfin’, ‘apenas’ 10 aeroliña internacional (incluyendo Aruba Airlines) a indica cu nan lo cuminsa bula pa Aruba atrobe. Di e 10 nan aki 4 ta di Merca. Asina autoridad di turismo a informa nos recientemente. “Nan ta entusiasma pa cuminsa bula pa Aruba” a wordo bisa. E cantidad por zona ‘poco’, pero e ta mas cu nada. Pero, no spera avionan yen ni e frecuencia cu nos tabatin (p.e. compara cu februari 2020) di avionan yegando nos isla. Den e raportahe aki, noticiacla.com ta enfoca riba e mercado mericano.
(ADVERTORIAL)